نجم الزمالك السابق : طاهر أبو زيد مثلي الأعلى

نشر نجم الزمالك السابق أحمد عبد الله مدير قطاع الناشئين بنادي زد حاليا صورة له مع اسطورة النادي الأهلي طاهر أبو زيد .. أظهر فيها حبه وتقديره للنجم الكبير .. وقال عنه أنه مثله الأعلى .
وهذا نص ما كتبه أحمد عبد الله الذى إعتزل طب الأسنان وتفرغ للكرة .
    الصورة دي من ٦ سنين وقت افتتاح بطولة منتخب الشباب ٢٠١٩…
من وانا صغير وهو دا اللي كان بالنسبة ليّا الحب كله وهو اللي حببني في الشوط و طول عمري كنت بحلم ابقي شبهه...واحنا تحت ١٤ سنة وكنّا بنلاعب الاهلي في ملعب مختار التتش وكنت انا في نادي الصيد و كسبنا الاهلي 2-1 .. وانا جبت جونين شوطتين بشمالي لقيته فجأة قالي تعالي هنا وسألني انت بتشجع مين قلتله الزمالك بس انت مثلي الاعلي وبالرغم من كدا بعت واحد غرفة الملابس وجابلي تي شيرت الاهلي رقم ١٢ وكمان جزمة هدية ... الكلام دا من  حاجة و تلاتين سنة ..في يوم الصورة  دي لقيته بيقولي قدام الناس انت كان
عليك رجل شمال جامدة جداً و كنت بحب لعبك يا احمد ..قسما بِاللّه قلبي كان حيقف لَمَا قَالَهَا..اوْمَال حضرتك شمالك كانت ايه